E kuʻu Akua ē, e kuʻu Akua! E hoʻolōkahi mai i nā puʻuwai o Kou poʻe kānaka, a e hōʻike mai iā lākou i Kou makemake. E hoʻolohe mai lākou i Kāu mau kauoha a me Kāu kānāwai. E kōkua mai iā lākou, e ke Akua, i kā lākou hana, a e ʻae mai iā lākou i ka ikaika e lawelawe iā ʻOe. E ke Akua! Mai hoʻokuʻu wale mai iā lākou, akā, e alakaʻi i ko lākou ala i ke ao o Kou ʻike, a e hoʻohauʻoli mai i ko lākou mau puʻuwai i Kou aloha. He ʻoiaʻiʻo, ʻo ʻOe nō ko lākou Kōkua, a me ko lākou Haku.